Lean ráðgjöf vinnur með Hagstofunni að töflum fyrir 6 deildir

Hagstofan innleiðir VMS töflur í deildum sínum undir leiðsögn Lean ráðgjafar

Lean ráðgjöf samdi við Hagstofu Íslands um ráðgjöf og aðstoð við innleiðingu á töflustjórnun og uppsetningu svokallaðra VMS taflna (Visual Management System).

Mikil tækifæri eru að til að auka og bæta samskipti og teymisvinnu hjá starfsfólki. Töflustjórnun og VMS-töflur hafa reynst mörgum fyrirtækjum vel. Töflustjórnun getur hjálpað fyrirtækjum að jafna framleiðslu, minnka lager, stýra verkefnum, jafna vinnuálag og bæta þjónustu við viðskiptavini. Því er ánægjulegt að sjá metnað Hagstofunnar til að gera gott starfsumhverfi enn betra.

„Í okkar rekstri eru verkefni stjórnandans skýr, að einstaklingar og hópar viti til hvers er ætlast af þeim og að þau axli ábyrgð á framkvæmd og framvindu verkefna sinna. Með opinni og sýnilegri stjórnun, sem að mínu mati er best gert með töflum, fæst yfirsýn yfir verkefnin og eru þau rekin áfram og vöktuð með einföldum hætti. Umræða um óþægileg málefni, tengt því að verkefnin gangi ekki eins og planað var, verða að heilbrigðum og uppbyggilegum samtölum. Eftir að hafa starfað sem stjórnandi í tæp 30 ár hugsa ég oft til þess hve margt hefði betur getað farið ef ég hefði haft töflurnar. Reynsla mín eftir að hafa nú unnið með töflustjórnun í nokkur ár er að þannig sé best að koma stefnu til framkvæmdar.”

– Böðvar Þórisson, sviðsstjóri Fyrirtækjasviðs Hagstofunnar.