Ávinningurinn af Lean ráðgjöf

Með því að innleiða Lean skapast tækifæri fyrir fyrirtæki að gera betur fyrir viðskiptavininn en á sama tíma einfalda störf starfsfólks. Guðmundur Ingi eigandi Lean ráðgjafar ræðir tilgang fyrirtækisins og ávinninginn af Lean innleiðingu. Farið er í heimsókn í 3 fyrirtæki sem hafa náð framúrskarandi árangri með því að innleiða Lean. Fyrirtækin sem eru heimsótt eru:

• Kæling sérhæfir sig í framleiðslu og þjónustu í alhliða kælilausnum. Fyrirtækið framleiðir m.a. ískrapavélar sem eru bæði í íslenskum og erlendum fiskiskipum. Kæling er því dæmi um falda perlu í íslenskum iðnaðaði og nýsköpun. Kæling hóf að innleiða Lean í janúar 2019 og fyrirtækið hefur umbreyst til hins betra í kjölfarið.
• Heimkaup.is er stærsta netverslun landsins.Heimkaup hóf Lean innleiðingu í byrjun árs 2018 og búið er að einfalda flest alla ferla fyrirtækisins eftir það. Árangurinn af Lean innleiðingunni var m.a. yfir 10 þúsund vinnustunda sparnaður fyrstu 10 mánuðina.
• Víkurverk er með verkstæði sem gerir við ferðavagna. Lean innleiðing hófst í febrúar 2019 og í sumar tók verkstæðið að meðaltali 30-50% fleiri viðgerðir í gegnum verkstæðið miðað við sumarið áður og á sama tíma var yfirvinnu nánast útrýmt.

Sjón er sögu ríkari.